Аб правядзенні навагодняй дабрачыннай акцыі «Нашы дзеці»

Згодна з пастановай Савета Міністраў Рэспублікі Беларусь ад 29 кастрычнiка 2014 г. № 1020 з 12 снежня 2014 г. па 11 студзеня 2015 г. будзе праведзена навагодняя дабрачынная акцыя «Нашы дзеці» з удзелам рэспубліканскіх органаў дзяржаўнага кіравання, аблвыканкамаў, Мінскага гарвыканкама і іншых мясцовых выканаўчых і распарадчых органаў. Акрамя таго, да названай акцыі рэкамендавана далучыцца таксама грамадскім аб’яднанням і іншым арганізацыям.

У рамках навагодняй дабрачыннай акцыі «Нашы дзеці» 24 снежня 2014 г. у г. Мінску на базе дзяржаўнай установы «Палац Рэспублікі» будзе праведзена дабрачыннае навагодняе свята з уручэннем падарункаў дзецям ва ўзросце 8–14 гадоў з ліку:

• дзяцей-сірот, дзяцей, якія засталіся без бацькоўскай апекі, выхаванцаў дзіцячых інтэрнатных устаноў;
• дзяцей-інвалідаў;
• дзяцей з мнагадзетных і малазабяспечаных сем’яў, сем’яў бежанцаў;
• дзяцей з сем’яў ваеннаслужачых, асоб начальніцкага і радавога саставу Следчага камітэта, органаў унутраных спраў і фінансавых расследаванняў, органаў і падраздзяленняў па надзвычайных сітуацыях, якія загінулі (памерлі) або сталі інвалідамі пры выкананні абавязкаў воінскай службы (службовых абавязкаў), з сем’яў работнікаў, што абслугоўвалі воінскія кантынгенты ў Афганістане або іншых дзяржавах, на тэрыторыі якіх вяліся баявыя дзеянні, якія загінулі (памерлі) або сталі інвалідамі ў перыяд вядзення баявых дзеянняў;
• дзяцей, якія пацярпелі ад катастрофы на Чарнобыльскай АЭС;
• навучэнцаў кадэцкіх вучылішч;
• навучэнцаў, якія ўзнагароджаны па выніках раённых, абласных (Мінскай гарадской), рэспубліканскіх і міжнародных алімпіяд, творчых конкурсаў і спартыўных спаборніцтваў;
• навучэнцаў, якія маюць поспехі ў грамадскай рабоце.

Аблвыканкамам і Мінскаму гарвыканкаму рэкамендавана правесці дабрачынныя навагоднія святы для дзяцей 26–30 снежня 2014 г. з удзелам кіраўніцтва аблвыканкамаў і Мінскага гарвыканкама ў абласных цэнтрах і г. Мінску, а таксама ва ўсіх гарадах і раёнах краіны ў час школьных канікулаў з удзелам кіраўніцтва гарадоў і раёнаў.